Oblong’s TAO Treasury Buy & Bitwise’s NEAR ETP Debut
Toh jaisa ki hum jante hain, Bitcoin ki modest weekend rally recent Trump Tariff policies ke chalte reverse ho gayi.
U.S president Donald Trump ne Japan aur South Korea par 25% tariffs impose karne ke baad, Bitcoin ke price mei aai decline ke sath saath, AI Coins mei bhi decline dekhne ko mila.
Jahan AI coins ki cumulative market cap last week $29bn thi, ab $2bn ke wipe-out ke saath $27bn par aa gayi hai.
Issi ke saath market cap ke hisaab se top AI coins jaise Bittensor ka TAO, Internet Computer ka ICP, Artificial Superintelligence alliance ka FET aur Injective ka INJ up to 3% tak decline hue, lekin wahi Near, Render, Virtual aur IP jaise coins upto 7% surge ke saath iss downward trend ko defy kar gaye.
Market ke inn swings ke alawa, AI sector mei ek bahut he important trend ubhar kar aa raha hain aur wo yeh ki ab Nasdaq-listed companies ya institutions, TAO aur Near jaise AI coins ko ya toh treasury mei add kar rahe hain ya phir unki staking ETP’s launch kar rahe hain. No doubt, overall virtual digital assets adoption ke liye yeh bahut he important step forward hain.
Toh recently, IT solutions provider aur Nasdaq-listed Oblong ne apne Bittensor-driven AI aur digital asset treasury initiative ke liye ek private stock sale ke zariye $7.5mn raise kiye.
Ab iss move ke baad Oblong ne 5,025 TAO coins worth $1.65mn buy karke, iss coin ko apni treasury mei include kiya hai. Iss announcement ke baad Oblong ka stock price 12% jump kar gaya. company ne toh yaha tak keh diya hain ki “decentralized AI will become a significant pillar of future software and monetization models.”
Apko bata den, Bittensor ek smart AI models ka decentralised machine learning network hai aur iss project ka coin TAO kaafi popular ho raha hai. Ab Bittensor ka ecosystem strong hai aur saath hi TAO bhi market cap ke hisaab se top AI coin hai jiski total supply bilkul Bitcoin ke equal hai yani ki puri 21 mn.
Iske saath hi market cap ke hisaab se second-top AI coin Near bhi chamak raha hai. Asset manager bitwise ne recently Near Staking ETP launch kiya hai jo ab Germany ke Deutsche Börse Xetra par trade karta hai. Near ka protocol ek high-performance layer-1 blockchain hai jo dApps aur staking ko fast aur accessible banata hai.
Ye ETP staking yields ka exposure deta hai aur wo bhi bina private keys ya validator complexities ke. Iska matlab hain retail aur institutions dono ke liye easy access. Benefits ki baat ki jaaye toh ye apko simplified access dete hain jahan private keys ya wallet ka jhanjhat he nahi hota. Aur toh aur ye regulated exchange par trade hote hain jisse ki investor protection aur transparency badhti hai. Aap traditional brokerage accounts ke through inhe easily buy aur sell kar skte hain aur staking yield exposure toh apko milega hi. Ye move indicate krta hai ki NEAR protocol ko traditional finance mein bhi strong adoption mil raha hai.
iss week INJ coin ke ecosystem Injective ki taraf se bhi 2 major updates saamne aayi hain. Injective ek Binance-backed DeFi-focused Layer-1 blockchain hai jo derivatives, dApps aur cross-chain assets ko support karti hai. Pehle, Injective ka EVM public testnet launch hua jisse ab inka ecosystem Ethereum dApps ko seamlessly integrate kar payega. Aur ab, Ethereum interoperability ke baad, XRP ka Injective par integration, developers ke liye XRP ko aur zyada appealing banayega.
Aur ab baat Virtuals protocol ke virtuals ki. Virtuals Protocol ek decentralized platform hai jo AI aur blockchain technology ko integrate krta hai aur AI-driven virtual agents ki development, ownership and monetization ko facilitate krta hai. Virtuals ek popular AI coin bhi hai aur AI-agent bhi.
Ab Virtuals Protocol ne apna governance portal launch kar diya hain jahan VIRTUAL holders proposals la sakte hain aur vote bhi kr skte hain.
Governance-based protocols mein community ka engagement kaafi important hota hai jisse investor confidence bhi bdhta hai.
Inn coins ke sath saath Story Protocol ke IP par bhi apko nazar rakhni chahiye kyunki iss coin ne AI market downturn ko defy kar diya hain aur last 7 days mei up to 8% tak rise dikhaya hain. Story Protocol ek AI-powered IP infrastructure hai jo creators ko on-chain ownership aur monetisation tools provide krta hai.
Lekin, inn sare positives ke beech ek khabar aisi bhi hain jisne market sentiment ko dent kiya. Ek Russian Malware ne Internet Computer’s ke AI Coin ICP ke browser wallet ecosystem ko directly target kiya jiske chalte ICP ka price $5 ke neeche chala gaya aur token mein bhi heavy sell pressure dikhai diya.. Iss attack mein 40 se zyada aise fake browser extensions paye gaye jo ICP users ko phish kar rahe the. Internet Computer Protocol ek Web3 cloud computing platform hai jo decentralised internet apps banane ke liye use hota hai aur market cap ke hisaab se ICP third top AI coin hain.
You need to login in order to Like
Leave a comment